The Birth of Damnation

Ito talaga ang dahilan kung bakit hindi ko matanggap ang resulta ng Miss Universe 2011: nang nakaraang taon sumemplang ang sagot ni Venus at natalo; pero ito, pasok sa banga ang hirit ni Shamcey ngunit natalo pa rin. Hindi ko talaga maintindihan. 3rd runner-up lang?!” “If a man wants to marry me he must also love my God.” ‘Yan ba ang pang 3rd runner-up na sagot? Sige sagutin mo. I admit na magaling si Miss Angola pero hindi ako naniniwala na mas magaling ang mga sagot si Miss Ukraine at Miss Brazil kay Miss Philippines. Huwag na natin pag-usapan si Miss China.

Sabi nang ilan kaya naglaban sina Miss Angola at Miss Ukraine ay dahil wala pang nananalong Miss Universe mula sa mga nasabing bansa. Parang politics of inclusion na dapat lahat may chance. So sana Miss United Nations na lang at hindi Miss Universe ang pangalan ng patimpalak. Kasalanan pa pala natin na nanalo sina Gloria Diaz at Margie Moran noon. Problema pa natin na maraming magaganda sa atin at palaging pumapalo sa mga beauty pageants ang mga Pilipina. Hindi maiiwasan na magwala ang ating mga kababayan dahil ibang klase ang ating pagkahilig dito. Parang boxing. (Pinaninindigan ko pa rin na si Onyok ang nananalo sa 1996 Olympics! Mahigit isang dekada na ang nakakaraan at hindi pa rin ako maka-move-on.) The Philippines is a nation of beauty pageants. Bawat sulok ng ating bansa may tagisan ng pagandahan. Mapa-babae, mapa-lalaki, o bading. Hilig? Higit pa dito. It is our life. Alam natin kung sino ang pangit at maganda. Alam natin kung alin ang palpak o pasok sa banga. Alam natin ito dahil parte na ito ng ating kultura. For example, grabe ang suporta natin kay Venus Raj sa malaking bahagdan ng kompetisyon nang nakaraang taon, pero mga Pilipino din agad ang unang pumuna sa kanyang sumemplang na sagot. Kasi alam natin. Dama natin. The major major furor was and is expected.

It is also expected na mananalo ang ating pambato sa Miss Universe 2011. Maganda. Matalino. Magna cum laude. ISKOLAR NG BAYAN! Idagdag mo pa na kinarir ng mga Pilipino ang on-line voting para lang masiguradong papasok sa semifinals si Ms. Supsup. Sa final round hindi niya tayo pinahiya. Uulitin ko: HINDI NIYA TAYO PINAHIYA. Maganda rin naman ang sagot ni Miss Angola at marahil dahil mas maraming beses niyang binanggit ang salitang “respect” kaya nasungkit niya ang korona. Bitter Ocampo lang. Pero sabi nga ni Superstar Marian, “Na-buzzer na nga si Miss Angola, siya pa rin ang nanalo?!” Tama. Na-time is up. Huwag na natin pag-usapan si Miss China. Bakit nga ba palagi kong sinasabing huwag nang pag-usapan si Miss China? Granted na maganda at matangkad si bakla, pero napanood niyo na ba ang video kung saan tinanong siya ng, “Do you think there is life in other planets?” Humirit ang lola mo, “If there is love, there is life.” Lakas ng tinitira mo.

(Lampas na pala ng alas-dose ng tanghali. Lunch na. Sarap ng lunch namin. Lutong Macau.) Bitter Ocampo pa rin.

Maraming issues ang mga Pilipino sa pagkatalo ng ating kandidato sa Miss Universe. Isa-isahin natin:

1. mas mahirap ang tanong na ibinato sa Miss Philippines kumpara sa Miss Angola
2. iba ang perspektibo ng karamihan ng mga hurado sa sagot ni Miss Philippines
3. walang interpreter si Miss Philippines